KALLATTIIN, Piriimer Liigii: Siitiin Tootenhaam waliin qixa, Viilaan mo'amuun Arsenaal biraa isaan hambisaa jira

Haguuggii Tamsaasa Kallattii

1. 1 Guraandhala 2026'Tapha 14'tu hafa, garaagarummaa qabxii 6 qofa ' -Peep Gaardiyoolaa

   

   Madda suuraa, Getty Images

   Maanchester Siitiin Tootenhaamiin 2 fi 0'n dursaa turee goolii Dominiik Solaankee boqonnaa booda lakkoofsise lamaaniin qabxii qooddatee bahuuf dirqame.

   Siitiin osoo har'a mo'ateera ta'ee garaagarummaan Liigicha dursaa kan jiru Arsenaal waliin qabu qabxii afuritti xiqqeeffata ture. Amma garuu garaagarummaa qabxii ja'aan caalameera Siitiin.

   Peep Gaardiyoolaan 'morkii waancaaf taasifamu keessaa hafneerra jettee yaaddaa?' jedhamee gaafatamee, "Taphoota 14'tu hafa, garaagarummaa qabxii 6 qofa" jechuun Arsenaal biraa akka hin hafne dubbate.

   Isin maal jettu?

   Gahumsi Maanchester Siitii akka duraa jiraa?

2. 1 Guraandhala 2026GOOOOOOOL: Tootenhaam 2 - 2 Maanchester Siitii

   

   Madda suuraa, Getty Images

   Tootenhaam hanga boqonnaatti goolii Cherkii fi Semeeniyoon Maanchester Siitiif galchaniifiin durfamaa turus boqonnaa booda goolii lama Solaankeen lakkoofsiseen walqixxaateera.

   Gooliin Solaankee lamaffaa keessumaa baayyeee bareeddi.

   Tootenhaam ammas itti muddaa jira.

3. 1 Guraandhala 2026GOOOOL: Tootenhaam 0 - 1 Maanchester Siitii

   Maanchester Siitiin goolii Cherkiin galcheefiin 1 fi 0'n abbaa dirree Tootenhaamiin dursaa jirra.

4. 1 Guraandhala 2026Maanchester Siitiin Tootenhaam mo'atee Arsenaalitti siqaa?

   

   Madda suuraa, Reuters

   Aston Viilaan dorgommii waancaa Piriimer Liigiif taasifamu keessaa sigigataaa jira.

   Har'a dirree ofiisaarratti kan taphataan tokko kaardii diimaan jalaa bahe Bireentifoordiin mo'ameera.

   Haata'u malee, Maanchester Siitiin amma Tootenhaam waliin taphachaa jira.

   Akkuma Aston Viilaa sigigaatamoo, mo'ee garaagarummaaArsenaal waliin qabu dhiphifata?

5. 1 Guraandhala 2026Sheeshkoon Maanchester Yunaayitid baraare

   

   Madda suuraa, Getty Images

   Tapha Masanchester Yunaayitd Fuulhaam simatee 3 fi 2'n mo'ateera.

   Leenjisaa yeroo Maayikel Kaarin Ruuben Amoorin ari'amee erga Yunaayitid leenjisuu jalqabee tapha hunda mo'attera.

   'Akkas malee %1000' jechaa jiru deeggartoonni kilabichaa.

   Har'a garuu taphataa Maanchester Yunaayitid bara kana fudhate Benjaamiin Sheeshkoon jijjiiramee daqiiqaa dhumaarratti Yunaayitid baraareera.

   Akka amma jiruun Maan Yunaayitid qabxii 41 qabatee Piriimer Liigii keessatti sadarkaa 4ffaa qabateera.

   Tapha biraa har'a taphatameen Aston Viilaan dirreesaarratti taphataan tokko kaardii diimaan jalaa kan bahe Bireentifoordiin 1 fi 0'n mo'ameera.

   Viilaan silaa carraa garaa garummaa Arsenaal waliin qabu gara afuriitti dhiphifachuu danda'uu dhabeera.

   Tootenhaam fi Maanchester Siitiin ammoo jalqabaa jiru.

   Nu hordofaa

6. 1 Guraandhala 2026GOOOOL: Maanchester Yunaayitid 3- 2 Fuulhaam

   

   Madda suuraa, Getty Images

   Morkiin Maanchester Yunaayitd Fuulhaam gidduutti ta'aa jiru akkaan ho'aadha.

   Maanchestter Yunaayitidifis, Fuulhaamiifis taphattoonni jijjiramanii galan goolii lakkoofsisan.

   Maan Yunaayitid 2 fi 0'n dursaa turullee, Fuulhaam boodaan dhufanii 2 fi 2 walqixa ta'an.

   Osoo hin turiin garuu Beenjamiin Sheeshkoon Yunaayitidiif garaagarummaa sekondii 30 keessatti lakkoofsisee 3 fi 2'n dursuutti deebiyan.

7. 1 Guraandhala 2026GOOOOL: Maanchester Yunaayitid 2 - 0'n Fuulhaam

   

   Madda suuraa, Getty Images

   Maanchester Yunaayitid goolii Maatiyaas Kuunyaa daqiiqaa 56ffaa irratti lakkoofsiseen Fuulhaamiin 2 fi 0'n dursaa jira.

   Tapha biraan ammoo Aston Viilaan dirree ofiisaarratti Bireentifoord kan namni tokko kaardii diimaan jalaa baheen 1 fi o'n durfamaa jira.

8. 1 Guraandhala 2026Maan Yunaatid Fulhaamiin, Bireentifoord Aston Viilaan 1 fi 0'n dursu

   Taphoota sadii saatii kana gaggeeffamaa jiruun hnaga boqonnaatti Maanchester Yunaayitid Fuulhaamiin, Bireentifoord ammoo Aston Viilaa 1 fi 0'n dursaa jiru.

   Notigihaam Forest fi Kiristaal Palaas ammoo 1 fi 1'n walqixa.

   Boqonnaa booda maaltu eegama?

9. 1 Guraandhala 2026GOOOOL: Maanchester Yinaayitid 1 - 0 Fuulhaam

   

   Madda suuraa, Getty Images

   Maanchester Yunaayitid goolii Kazemiiroon daqiiqaa 19ffaa irratti lakkoofsiseen Fuulhaam dursaa jira.

   Xiinxalaan kubbaa miilaa BBC Kiriis Suutan Maanchester Yunaayitid ji'oota duraa osoo ta'ee Fuulhaam ni mo'ata ture jedhe. Amma garuu Maanchester akka mo'atu ture kan tilmaame.

   Hanga dhumaatti milkaa'aa?

10. 1 Guraandhala 2026Niitingihaam Forest 1 - 0 Kiristaal paalaas

    Notingihaam Forest goolii Gibs Waayit galcheen Kiristaal Palaasiin dursaa jira.

    Aston Viilaa fi Breentifoord, akkasumas Maanchester Yunaayitid fi Fuulham ammoo 0 fi 0 irra jiru.

11. 1 Guraandhala 2026Deeggartoonni Maanchester Yunaayitid mormiif daandiitti bahan

    

    Madda suuraa, Getty Images

    Deeggartoonni Maanchester Yunaayid tapha kilabichi Fuulhaam waliin dirreessaarratti simatee taasisu dursanii hiriira mormii bahan.

    Gareen deeggartootaa kallattii lamarraa ka'aanii Istaadityeemii Oold Tiraafoorditti walga'an kunneen akkaataa abbootiin qabeenyaa kilabicha itti qabataa jiran sirrii miti jechuun mormii kana bahan.

    Keessumaa gareen deeggartoota Maan Yunaayitid 'The 1958' jedhamu, abbaa qabeenyaa kilabichaa Sir Raatikiliif fi maatii Gileezer Teen Haag irraa kaasee hanga Ruuben Amoorim, akkasumas abbaa imaanaa Maayikel Kaarik fiduutti hojii hojjetame sirrii akka hin taane kaasuun mormu.

    Kana malees, deeggartoonni Maanchester Yunaayitid kun tikkeettiifi istaadiyeemii waliin walqabatee rakkoon jiru furmaata dhabe jechuun mormaa jiru.

    "Kan kolfaa taane, abbootiin qabeenyaa kilabicha maraammartoo keessa galchaniiru" jechuun moirmaa jiru.

    Erga Maayikel Kaarik leenjisummaa fudhatanii kilabichi foyyaa'aa jiraatullee, rakkoon abbootii qabeenyaa waliin rakkoo qabaachuu himatu deeggartoonni.

12. 1 Guraandhala 2026Maan Yunaayitid eenyuun hiriirsee, eenyuun hambise?

    

    Maanchester Yunaayitid akkaataa torban darbe Arsenaaliin itti mo'aterratti jijjiirama tokko qofa godhe.

    Paatrik Dorguun waan miidhameef bakka isaa Maatiwuus Kuunyaa galche.

    Jooshuwaa Zirikizee fi Dhihaa Laasii ammoo eeggatoodha.

    Hiriira Guutuu: Maameens, Daalot, Maguweer, Maartineez, Shaaw, Kazemiiroo, Maayinoo, Diyaaloo, Fernaandeez, Kuunyaa, Imbuumoo.

13. 1 Guraandhala 2026Piriimer Liigii: Maan Yunaayitid v Fuulhaam, Aston Viilaa v Bireentifoord

    

    Madda suuraa, Getty Images

    Arsenaal kaleessa dirree Liids deemee 4 fi 0'n mo'atee garaagarumaa qabxiin ittiin dursaa jiru gara torbaatti ol guddifateera.

    Aston Viilaa fi Maanchester Siitiin ammoo har'a mo'atanii garaagarumaa jiru deebisanii dhiphisuuf taphatu.

    Maanchester Yunaayitid ammoo Fulhaam keessumeessuun Mikaayil Kaariik jalatti miira mo'achuu itti fufsiisuuf carraaqa.

    Maan Yunaayitid Fuulham ni mo'ata jettuu?

    Goolii meeqaan?

    Eenyu, goolii meeqaan akka mo'u tilmaamni kenname kunooti.

14. 31 Amajjii 2026Virjil Vandaayik Liiverpuuliif

    

    Madda suuraa, Getty Images

    Liiverpuul Anfiildirratti Niiwukasil simatee tapha jalqaban.

    Taphataan sarara ittisaa Liiverpuul Virjil Vandaayik kilabichaaf dorgommii hunda keessatti tapha 350ffaa isaa taphata.

    Kanaan ammoo Jaamii Kaaraagar (701), Isteeven Jeeraard (647) Saamii Hayippiyaa (545), Jordaan Handersan (409), peeppee Reenaa (393) ,akkasumas Mohaammad Saalaah (387)'tti aanee sadarkaa torbaffaa qabateera.

15. 31 Amajjii 2026Chelsiin durfamaa turee 3 fi 2'n West haam mo'ate

    

    Madda suuraa, Getty Images

    Chelsiin 2 fi 0'n durfamuurraa ka'ee goolii 3 fi 2'n West Haamiin mo'ate.

    Goolii Enzoo Fernaandeez daqiiqaa 92ffaa irratti lakkoofsise Chelsiin akka mo'atu gargaareera.

    Amma Chesliin qabxii 40 sassaabatee Piriimer Liigii keessatti sadarkaa 4ffaa irratti argama.

    West Haam ammoo qabxii 20 qabatee kufuuf qarqararra sadarkaa 18ffaarra jira.

16. 31 Amajjii 2026Noonii Maduweekeen 'akka gucaa ife'

    

    Madda suuraa, Getty Images

    • Bukaayoo Saakaa dirree seenee tapha jalqabuuf osoo qaama ho'ifataa jiruu miidhamnaan Noonii Maduweekee isa jijjiiree jalqabe
    • Goolii jalqabaa Maartiin Zubimendiin Arsenaaliif galche Maduweekeeti kenneef
    • Kubbaa koornaa Maduweekeen dhiite karra eegaa Liidsii harkaa buutee lakkaa'amte
    • Viktor Giyookeresh fi Gabreel Jeesuus tokko tokko lakkofosisiin Arsenaal 4 fi o'n akka mo'atan godhaniiru.
    • Arsenaal amma qabxii 7'n Piriimer Liigii dursaa jira.

17. 31 Amajjii 2026Chelsii 2 - 2 West Haam

    West Haamiin 2 fi 0'n durfamee boqonnaa kan bahe Chelsiin boqonnaarraa deebiyee taphattoota jijjiramanii galan lamaan, daqiiqaa 57 irratti Jaa'oo Pediroon, daqiiqaa 70ffaa irratti ammoo Kukurellaatiin lakkoofsisee walqixxaateera.

    Chelsiin ammallee dirreesaarratti Darbii Landan kana mo'atee bahuuf dhiibbaa uumaa jira.

18. 31 Amajjii 2026West Haam goolii Boowen galcheefiin Chelsii dursaa jira

    

    Madda suuraa, Getty Images

    West Haam gara dirree Chelsii deemee goolii Jermii Boowen daqiiqaa 7ffaarratti lakkoofsiseen dursaa jira.

    Gooliin daftee irratti galte kun deeggartoota Chelsii rifaasisteetti, garuu Chelsiin ammoo waan na'eeru hin fakkaatu.

    Deebii kennuuf kubbaa to'atee taphachaa jira.

    Eenyu akka mo'u tilmaama kenname kunooti.

19. 31 Amajjii 2026Arsenaal 4 fi 0'n Liids mo'ate

    

    Madda suuraa, Getty Images

    Liigicha dursaa kan jiru Arsenaal gara Liids deemee 4 fi 0'n mo'ate.

    Biraayitan fi Everten 1 fi 1 walqixa bahan.

    Bornimaawoz ammoo 2 fi 0'n Woolvisiin mo'ateera.

    Itti aanee Chelsiifi West Haam waliin, Liiverpuul ammoo Niiwkasil waliin halkan saatii shanitti qabu.

    Kallattiin nu hordofaa.

20. 31 Amajjii 2026GOOOOL: GABREEL YEESUUS-ARSENAAL

    Gabreel Yeesuus Viktor Giyookeresh jijjiiree galee goolii 4ffaa Arsenaaliif lakkoofsiseera.

    Liids 0 - 4 Arsenaal

    Tapha biraan Bornimaawoz Wolvisiin, Biraayten ammoo Everteniin 1 fi 0n dursaa jiru.